Apr 04 2025 | २०८१, चैत २२ गते
Apr 04 2025 | २०८१, चैत २२ गते
काठमाडौं । प्रधानमन्त्री कप क्रिकेट प्रतियोगितामा त्रिभुवन आर्मी क्लबले बागमती प्रदेशलाई २६३ रनको बलियो लक्ष्य प्रदान गरेको छ । सिद्धार्थ क्रिकेट रंगशालामा टस जितेर ब्याटिङ गरेको आर्मीले निर्धारित ५० ओभरमा ८ विकेट गुमाउँदै २६२ रन बनाएको हो ।
आर्मीका लागि ओपनर ब्याटर सन्तोष कार्कीले सर्वाधिक ७६ रन बनाए । उनले ९८ बलमा १० चौका र १ छक्का प्रहार गरेका हुन् । अर्का ओपनर तिर्थराज दासले ३६ रन बनाए ।
विवेक यादवले ३० रन बनाए । कुशल मल्ल २६ रनमा क्याच आउट भए । कप्तान विनोद भण्डारी ४७ रनमा र आकाश चन्द १ रनमा अविजित रहे । अन्य कुनै ब्याटरले दोहोरो अंकमा रन बनाउन सकेनन् ।
बागमतीका लागि रिजन ढकाल, इशान पाण्डे र प्रतिश जिसीले समान २–२ विकेट लिए । सोनु देवकोटाले १ विकेट लिए । बागमतीले प्रतियोगिताको पहिलो खेलमा एपिएफसँग हार बेहोरेको थियो । आर्मीको भने यो खेल प्रतियोगिताको पहिलो खेल हो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
