
Apr 04 2025 | २०८१, चैत २२ गते
काठमाडौं । महोत्तरीमा श्रीमतीको हत्या आरोपमा श्रीमान् पक्राउ परेका छन् । पक्राउ पर्नेमा ३२ वर्षीय सत्यनारायण यादव रहेको जिल्ला प्रहरी कार्यालयले जनाएको छ ।
उनले शुक्रबार बिहान इँटा प्रहार गरी २४ वर्षीया श्रीमती सुधिरादेवीको हत्या गरेको जिल्ला प्रहरी कार्यालय, महोत्तरीका प्रवक्ता डीएसपी सन्तलालप्रसाद जयसवारले बताए ।
‘माइत बसेकी श्रीमती भेट्न आएका यादवले सुधिरादेवीसँग केही विषयमा विवाद हुँदा आवेशमा आएर इँटा प्रहार गरेको पाइएको छ,’ उनले भने ।
मृतकको शव पोष्टमार्टमका लागि प्रादेशिक अस्पताल जलेश्वर पठाइएको डीएसपी जयसवारले बताए । घटना भएको जानकारी पाएलगत्तै प्रहरीले घटानस्थल पुगेर अनुसन्धान सुरु गरेको थियो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij