Jun 10 2026 | २०८३, जेठ २७ गते
Jun 10 2026 | २०८३, जेठ २७ गते
काठमाडौं । ब्रसेल्समा युरोपेली संघका नेताहरूको भेलाका बीचमा रुसी विदेशमन्त्री सर्गेई लाभरोभले यदि युरोपेली संघका देशहरूको सेना युक्रेनमा पुग्यो भने यसलाई रुस विरुद्धको प्रत्यक्ष युद्ध मानिने बताएका छन् ।
रुसी समाचार एजेन्सी ‘तास’ का अनुसार लाभरोभले भने ‘रुसमा ईयू शान्ति सेनाको उपस्थितिलाई नेटोको उपस्थितिको रूपमा हेरिनेछ ।’ उनले फ्रान्सेली राष्ट्रपति इमानुएल म्याक्रोंको विश्वयुद्धको धम्कीलाई रूस विरुद्धको चेतावनी मानिने बताए ।
फ्रान्सेली राष्ट्रपति इमानुएल म्याक्रोंले शान्ति सम्झौता पछि युरोपेली सेना युक्रेनमा तैनाथ गर्न सकिने बताएका थिए ।
यसैबीच, बेलायती प्रधानमन्त्री केयर स्टारमरले पनि युद्धविराम पछि त्यहाँ शान्ति सेनाको उपस्थितिको बारेमा एक वक्तव्य दिएका छन् ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
