Apr 01 2025 | २०८१, चैत १९ गते
Apr 01 2025 | २०८१, चैत १९ गते
काठमाडौं । अमेरिकाबाट नेपाल फर्काइएका ९ जनालाई प्रहरीको जिम्मा लगाइएको छ । त्रिभुवन अन्तर्राष्ट्रिय विमानस्थल अध्यागमन कार्यालयले उनीहरूलाई प्रहरीको मानव वेचबिखन व्यूरोला जिम्मा लगाएको हो ।
कागजपत्रविहीन ९ जनालाई अमेरिकाले बुधबार बिहान करिब १० बजे त्रिभुवन विभानस्थल ल्याइपुर्याएको थियो। त्यसपछि अध्यागमन विभागले प्रकृया पूरा गरेर प्रहरीको जिम्मा लगाएको हो ।
‘हामीले गर्नुपर्ने सामान्य प्रहरी पूरा गरेर ९ जनालाई प्रहरीको जिम्मा लगाएका छौँ’, अध्यागमन कार्यालयका अधिकृत यज्ञराज अर्यालले देशसञ्चारसँग भने ।
प्रहरीले सोधपुछ गर्नुपर्ने भनेपछि उनीहरूलाई प्रहरीको जिम्मामा लगाइएको हो ।
अर्यालयकाअनुसार अमेरिकामा काजपत्रविहीन फर्काइएका ९ जनामध्ये १ जना महिला र ८ जना पुरुष रहेका छन् । उनीहरू सबै एउटै विभानबाट नेपाल फर्काइएका होइनन् । ८ जना अमेरिकी जीआरपी- २३ विमानबाट र १ जना कतार एयरवेजबाट नेपाल फर्काइएका हुन् ।
डोनाल्ड ट्रम्प अमेरिकाको दोस्रो पटक राष्ट्रपतिमा निर्वाचित भएपछि उनले अवैध आप्रवासी निष्कासनलाई तीव्रता दिएका छन् ।
ट्रम्प प्रशासनले मात्र हालसम्म २७ नेपालीलाई अमेरिकाबाट निकालिसकेको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
