Apr 22 2025 | २०८२, वैशाख ९ गते
Apr 22 2025 | २०८२, वैशाख ९ गते
रुपन्देही र दाङमा बालिका बलात्कारका छुट्टाछुट्टै घटनामा तीनजना पक्राउ परेका छन् ।
रुपन्देहीमा १३ वर्षीया बालिकालाई जबरजस्ती करणी गरेको अभियोगमा दुईजना पक्राउ परेका छन् । पक्राउ पर्नेहरूमा देवदह नगरपालिका–३ गौरी टोल बस्ने २८ वर्षीय अजय थापा र ३५ वर्षीय गोविन्द थापा रहेको रुपन्देही प्रहरीले जनाएको छ ।
प्रहरीका अनुसार अजय र गोविन्दले ती बालिकालाई गत मङ्गलबार राति जबरजस्ती करणी गरेको उजरी परेको थियो । सोही उजुरीका आधारमा प्रहरी चौकी खैरेनीबाट खटिएको टोलीले उनीहरूलाई बिहीबार पक्राउ गरेको हो ।
घटनाबारे थप अनुसन्धान अघि बढाइएको प्रहरीले जनाएको छ ।
यस्तै दाङमा १४ वर्षीया बालिकालाई जबरजस्ती करणी गरेको अभियोगमा एकजना पक्राउ परेका छन् । जिल्लाको शान्तिनगर गाउँपालिका–४ जुम्लेकुला बस्ने २२ वर्षीय चन्द्रप्रसाद नाथलाई प्रहरीले बिहीबार नै पक्राउ गरेको हो ।
ती बालिकालाई चन्द्रप्रसादले सोही गाउँपालिका–४ स्थित बगब्डवामा पर्ने रानीवनको जंगलमा लगेर जबरजस्ती करणी गरेको उजुरी परेको थियो । सोही आधारमा उनलाई प्रहरी कार्यालय तुल्सीपुरबाट खटिएको टोलीले बिहीबार दिउँसो पक्राउ गरेको हो ।
घटनाबारे थप अनुसन्धान प्रक्रिया भइरहेको दाङ प्रहरीले जनाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
