Apr 10 2025 | २०८१, चैत २८ गते
Apr 10 2025 | २०८१, चैत २८ गते
काठमाडौं । अफ्रिकी देश गिनीको दोस्रो ठूलो सहर जेरेकोरमा फुटबल खेलका क्रममा भागदौड हुँदा कम्तीमा ५६ जनाको मृत्यु भएको छ । तर, धेरैले मृत्यु हुनेको संख्या १०० हुन सक्ने अनुमान गरेका छन् ।
केही रिपोर्टहरूका अनुसार यो घटना रेफ्रीको निर्णय पछि भएको हो । पाहुना टोली लाबेका दुई खेलाडीलाई रेफ्रीले रातो कार्ड देखाएर मैदान बाहिर पठाउँदै पेनाल्टी किक दिएका थिए ।
गिनीका प्रधानमन्त्री ओरी बाहले घटनालाई ‘दुःखद’ भनेका छन् । उनले घटनामा जिम्मेवार व्यक्तिको पहिचान गर्ने घोषणा गर्दै मृतकका परिवारप्रति समवेदना व्यक्त गरेका छन् ।
स्थानीय सञ्चारमाध्यमका अनुसार रेफ्रीसँग आक्रोशित आगन्तुक टोली लाबेका समर्थकहरूले मैदानतर्फ ढुङ्गा हानेपछि प्रहरीले अश्रुग्यास प्रहार गरेको थियो ।
जेरेकोरका एक स्थानीय पत्रकार पल साकोभोगीले बीबीसीलाई भने: “रङ्गशालामा ठूलो भीड थियो । त्यहाँबाट बाहिर निस्कने एउटै बाटो थियो । केही मानिसहरू बाहिर निस्कन पर्खालमा चढे । पर्खाल चढ्न नसकेकाहरू भित्ताबाट जमिनमा खसे ।”
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
