Apr 27 2025 | २०८२, वैशाख १४ गते
Apr 27 2025 | २०८२, वैशाख १४ गते
काठमाडौं । प्रहरी हिरासतमा रहेका विवादित मेडिकल व्यवसायी दुर्गा प्रसाईंका एक जना विश्वास पात्र पक्राउ परेका छन् ।
नेपाल प्रहरीको केन्द्रीय अनुसन्धान ब्यूरो (सीआईबी)को टोलीले नवीन प्रधान नामले चिनिने ३६ वर्षीय हरिचन्द्र फुयललाई झापाबाट पक्राउ गरेर काठमाडौं ल्याएको छ ।
भारतमा बसेर नेपाली व्यवसायीलाई धम्की दिएको आरोपमा फुयललाई पक्राउ गरिएको सीआईबीले जनाएको छ । पाँचथरको साविक मौवा गाउँ विकास समिति-६ घर भएका उनी हाल झापाको मेचीनगर नगरपालिका-१३ चारआलीमा बस्दै आएका थिए ।
भारतीय अपराधिक समूह लोरेन्स बिश्नोई समूहको सदस्यसमेत रहेका उनले विभिन्न व्यापारीलाई फोन गरेर धम्क्याउने गरेको खुलेको सीआइबीका एसपी एवं प्रवक्ता होविन्द्र बोगटीले बताए ।
नेपाली व्यापारीलाई तर्साउने, रकम उठाउने र आपराधिक काममा युवा परिचालन गर्ने जस्ता गतिविधिमा उनी संलग्न रहेको प्रहरीले जनाएको छ । केही समयअघि बिश्वनोईको नाम लिएर धम्की दिइएको भन्दै चार जना व्यवसायीले उनीविरुद्ध सीआईबीमा उजुरी दिएका थिए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
