
Apr 05 2025 | २०८१, चैत २३ गते
काठमाडौं । मेडिकल व्यवसायी दुर्गा प्रसाईंका समर्थकले काठमाडौँको कोटेश्वरमा विरोध प्रदर्शन गरेका छन् । प्रसाईं पक्राउ परेको विरोधमा उनीहरुले शुक्रबार प्रदर्शन गरेका हुन् ।
प्रधानमन्त्री केपी शर्मा ओलीविरुद्ध अफवाह फैलाएको आरोपमा प्रसाईंलाई प्रहरीले मंगलबार पक्राउ गरेको थियो ।
प्रधानमन्त्री ओलीको कम्बोडियाको टेलिकममा लगानी रहेको भन्दै प्रसाईंले सामाजिक सञ्जालमार्फत् ‘फर्जी’ कागजात बनाएर सार्वजनिक गरेपछि उनलाई विद्युतीय कारोबार ऐन अन्तर्गतको कसुरको अनुसन्धानका लागि भन्दै पक्राउ गरिएको हो ।
बुधबार काठमाडौँ जिल्ला अदालतबाट प्रसाईंलाई थप पाँच दिन थुनामा राखेर अनुसन्धान गर्ने अनुमति प्रहरीले पाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij