Apr 18 2025 | २०८२, वैशाख ५ गते
Apr 18 2025 | २०८२, वैशाख ५ गते
काठमाडौं । नेकपा (एमाले) तेह्रथुमको १२ औं जिल्ला अधिवेशनमा नयाँ नेतृत्वका लागि भएको निर्वाचनमा पार्टी अध्यक्ष केपी शर्मा ओली पक्ष पराजित भएको छ ।
बिहीबार भएको निर्वाचनमा अध्यक्षमा दसबुँदे समूहका शिव ढुंगानामा २३६ मतसहित निर्वाचित भए । अध्यक्षका प्रत्यासी गोविन्दराज श्रेष्ठले २०४ मत ल्याए ।
अध्यक्षमा निर्वाचन भएका ढुंगानमा पूर्वजिल्ला समन्वय समितिका प्रमुख हुन् । उपाध्यक्ष सन्तोष तिगेला सर्वसम्मत भए। उनी पनि दसबुँदे समूहकै हुन् ।
सचिव तारा मादेन २२८ मतसहित निर्वाचित भए । उनी अध्यक्ष ओली पक्षका हुन् । उनका प्रत्यासी छत्रप्रसाद रिमालले २०२ मत ल्याए ।
पुरूष उपसचिवमा दसबुँदे समूहकै यादव खापुङ २२० मतसहित निर्वाचित भए । प्रत्यासी अर्जुन ढुंगानाले २०८ मत ल्याए ।महिला उपसचिव तारा ढकाल १७५ मतसहित निर्वाचित भइन् । उनी अध्यक्ष ओली पक्षकी हुन् ।
दसबुँदे समूहकी खड्काले १६५ मत ल्याइन् । उपसचिवमै उम्मेदवार बनेकी तारा कार्कीले ७८ मत ल्याइन् ।
मंसिर ४ गतदेखि सुरू भएको अधिवेशनले ८९ सदस्यीय कमिटी निर्वाचित गरेको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
