प्रहरीले विमानस्थलमा यात्रुले लगाएको खादा थुत्न खोजे...!

काठमाडौं । त्रिभुवन अन्तर्राष्ट्रिय विमानस्थलमा विदेश उड्न लागेका एक यात्रुमाथि प्रहरीले दुर्व्यवहार गरेको भन्दै सामाजिक सञ्जालमा भिडियो भाइरल भएको छ।

सुरक्षा जाँचमा खटिएका प्रहरीले यात्रुले लगाएको खादा थुत्न खोजेको देखिन्छ । त्यसपछि यात्रु आफैले खादा खोल्छन् । सुन्दर गैरे सुन्दर फेन्स नामको फेसबुक अकाउन्टमा हालिएको भिडियो अहिले भाइरल भइरहेको छ ।

त्रिभुवन अन्तर्राष्ट्रिय विमानस्थल प्रहरीका निमित्त प्रमुख डम्बर बहादुर विश्वकर्माले घटनाबारे बुझ्ने काम भइरहेको बताए । ‘हामीले पनि यस विषयमा हिजो मात्र थाहा पायौँ । आज एक बजे मैले बैठक बोलाएको छु’, एसएसपी विश्वकर्माले भने ।

विश्वकर्माका अनुसार यात्रुले त्रिभुवन अन्तर्राष्ट्रिय विमानस्थलमा डिपार्चरबाट भित्र प्रवेश गर्दा खादाहरू लैजान पाउँदैनन् । विगतमा माइकिङ गरेरै यात्रुलाई जानकारी दिने गरिन्थ्यो ।

‘केही समय यता माइकिङ गर्ने काम बन्द भएको छ। प्रहरी आफैले आग्रह गर्दै भित्र नलैजान भन्छ’, विश्वकर्माले भने।

उनले यात्रुलाई असल व्यवहार गर्न र आफ्नो व्यवहारमा सुधार गर्ने निर्देशन दिइएको बताए।

प्रहरीले विमानस्थलमा यात्रुले लगाएको खादा थुत्न खोजे...!

प्रहरीले विमानस्थलमा यात्रुले लगाएको खादा थुत्न खोजे...!

ट्याग

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय