Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडौं । बैदेशिक रोजगारीमा जापान पठाइदिने आश्वासन दिएर ठगी गरेको आरोपमा तनहुँकी एक महिलालाई प्रहरीले पक्राउ गरेको छ। व्यास–१२ कमलबारी निवासी ३८ वर्षीय मनुमाया थापा पक्राउ परेकी हुन् । थापाले भीमाद नगरपालिका–५ घर भई हाल पोखरा महानगरपालिका–१ बगर निवासी ३८ वर्षिया रूपासरा रानालाई ठगी गरेको जिल्ला प्रहरी कार्यालयले जनाएको छ ।
तनहुँका प्रहरी नायब उपरीक्षक दीपककुमार रायका अनुसार ती महिलाले सामाजिक सञ्जाल फेसबुकमार्फत रानालाई सम्पर्क गरी जापान पठाइदिन्छु भनी ठगी गरेको खुल्न आएको छ । आरोपित थापाले विभिन्न बैंक खातामा पैसा जम्मा गर्न लगाएर ७९ लाख ९७ हजार ९१९ लिएकी थिइन्। प्रहरीले उनको साथबाट चार लाख ८० हजार र विभिन्न सात बैंकको चेक बुक बरामद गरेको छ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
