Apr 28 2025 | २०८२, वैशाख १५ गते
Apr 28 2025 | २०८२, वैशाख १५ गते
काठमाडौं। सरकारले आगामी आर्थिक वर्ष २०८१/०८२ को लागि भारतबाट चामल र चिनी आयात गर्ने कम्पनी तथा उद्योगको टुंगो लगाएको छ । उद्योग विभागले १० वटा उद्योगलाई चिनी र वाणिज्य, आपूर्ति तथा उपभोक्ता संरक्षण विभागल २० वटा कम्पनी/फर्मलाई चामल आयात गर्ने अनुमति दिएको हो ।
भारत सरकारबाट नेपाललाई चिनी आयातको लागि तोकिएको कोटा बमोजिम औद्योगिक कच्चा पदार्थको रूपमा आयात गर्न विभागमा दिएको आवेदनअनुसार १० वटा उद्योगले अनुमति पाएको उद्योग विभागले जनाएको छ । चिनी आयातको अनुमति पाउनेमा एग्रो थाई फुड्स प्रालि, ललितपुर, गुडलाइफ बेभरेज प्रालि, सोनापुर सुनसरी, एसियन बिस्कुट एन्ड कन्फेक्सनरी प्रालि दुहबी, सुनसरी, क्वालिटी फुड एन्ड स्न्यांक्स इन्डस्ट्रिज प्रालि दुहवी र सुनसरी, क्वालिटी कन्फेक्सनरी प्रालि दुहवी रहेका छन् । त्यस्तै, चिनी आयातका लागि सुनसरी, क्वालिटी डाइट एन्ड फुड प्रोइक्टस् प्रालि दुहवी सुनसरी, शिव डेरी एन्ड फुड इन्डट्रिज प्रालि विराटनगर मोरङ, केआरएस भेन्चर्स प्रालि भद्रपुर, झापा र सुजल फुड्स प्रालि पोखराले अनुमति पाएका छन् ।
त्यस्तै, सरकारले भारतबाट चामल आयात गर्न २० वटा कम्पनी/फर्मलाई अनुमति दिएको छ । भारतबाट ९५ हजार मेट्रिक टन चामल आयात गर्न कोटा तोकिएको छ । सो चामल आयात गर्नका लागि २० वटा फर्मलाई वाणिज्य, आपूर्ति तथा उपभोक्ता संरक्षण विभागले जनाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
