Apr 19 2025 | २०८२, वैशाख ६ गते
Apr 19 2025 | २०८२, वैशाख ६ गते
काठमाडौं । काठमाडौं दक्षिणकाली नगरपालिका–५ मा रहेको थाई गुम्बाको पर्खाल भत्किँदा ६ नाबालिका घाइते भएका छन् ।
पर्खाल भत्किएर पुरिएका उनीहरूको उद्धार गरिएको काठमाडौं उपत्यका प्रहरी कार्यालय रानीपोखरीका एसएसपी तथा प्रवक्ता दिनेशराज मैनालीले जानकारी दिए ।
दिउँसो ३ बजेर ५० मिनेटमा पर्खाल भत्किँदा ६ जना नाबालिका पुरिएका थिए । तत्काल इलाका प्रहरी कार्यालय फर्पिङबाट प्रहरी निरीक्षकको कमाण्डमा खटिएको टोलीले उनीहरुको उद्धार गरेको थियो ।
उद्धार गरिएका मध्ये ५ जनालाई बल्खुस्थित बयोधा अस्पताल पठाइएको छ । यस्तै, एक जनालाई दक्षिणकालीकै मनमोहन अस्पतालमा उपचारका लागि पठाइएको प्रहरीले जनाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
