
Apr 05 2025 | २०८१, चैत २३ गते
काठमाडौं । बाजुरामा मोटरसाइकल दुर्घटना भएको छ। जिल्लाको बुढीगंगा नगरपालिका–२ बल्देमा मोटरसाइकल अनियन्त्रित भइ दुर्घटना भएको हो।
दुर्घटनामा परेर बुढीगंगा–५ का मोटरसाइकल चालक हिमाल थापा र जुम्ला घर भई डिभिजन वन कार्यालय बाजुरामा कार्यरत श्रीराम रावत घाइते भएका हुन।
मंगलवार सदरमुकाम मार्तडीबाट फालासैन बजार जाँदै गरेको सुदूरपश्चिम प्रदेश ०१–०१० प ९५९१ नम्वरको मोटरसाइकल अनियन्त्रित भएर दुर्घटना भएको जिल्ला प्रहरी कार्यालय बाजुराले जनाएको छ। दुर्घटनामा परेर घाइते भएका दुवै जनाको अछामको बयालपाटा अस्पतालमा उपचार भईरहेको छ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij