Apr 04 2025 | २०८१, चैत २२ गते
Apr 04 2025 | २०८१, चैत २२ गते
काठमाडौं । मनोज गजुरेलले पूर्वपत्नी मिना ढकाल केही युट्युबर र अभियन्ता बताउने युवाहरूको झुन्ड लगेर हुलदङ्गा गरेपछि पक्राउ परेकी छन् ।
सम्बन्धविच्छेद गरेर निस्किएको सात वर्ष भइसकेको घरमा घरमा मनोजकी ८५ वर्षीया आमालाई लछारपछार पारेपछि पक्राउ गरिएको भक्तपुर प्रहरीले जनाएको छ ।
साथै घरमा ताला लगाउने प्रयास गरेकी थिइन् । प्रहरीले उनलाई मनोजकै घर नजिकैबाट पक्राउ गरेको हो । आमालाई आक्रमण गरिएपछि झापाबाट उपचारका लागि आएकी मनोजकी दिदी भुईँमा ढलेकी थिइन् ।
मिनाले मनोजसँग डिभोर्स भएलगत्तैदेखि सामाजिक सञ्जालमार्फत मनोजको चरित्रहत्या गर्दै आएकी छन् ।
आमाको यस्तो ब्यहोराले छोरा मिरोज मानसिक समस्याबाट गुज्रिरहेका छन् । केही दिनअघि टिभी रियालिटी शो ‘कमेडी च्याम्पियन’ मा मनोजले आफ्नो छोराको अवस्था सम्झेर भक्कानिएका थिए । त्यसपछि मीनाले फेरि सामाजिक सञ्जालबाट पूर्वपति र छोराप्रति आक्रोश व्यक्त गरिरहेकी थिइन् ।
त्यही सिलसिलामा उनी आइतबार मनोजको घर पुगेकी थिइन् । होहल्ला मच्चिएपछि मिना स्कुटर लिएर भाग्दै थिइन् । त्यसपछि स्थानीयले बाटो छेकेर मिनालाई समाएर प्रहरीमा बुझाइएका हुन् । पक्राउपछि उनलाई म्याद थपको लागि जिल्ला अदालत लगिएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
