Apr 04 2025 | २०८१, चैत २२ गते
Apr 04 2025 | २०८१, चैत २२ गते
काठमाडौं । कीर्तिपुरमा सामुदायिक कुकुरलाई आँखा निस्कने गरी कुटपिट गर्ने व्यक्ति पक्राउ परेका छन् । आँखा नै फुत्त बाहिर निस्किने गरी निर्ममतापूर्वक कुट्ने व्यक्तिलाई कीर्तिपुर प्रहरी वृत्तका प्रमुख प्रहरी नायव उपरीक्षक रुकेश तुण्डकारले पक्राउ गरेर हिरासतमा लिएका हुन् ।
घटना कीर्तिपुर नगरपालिका ५ पांगाको हो । सामुदायिक कुकुरलाई मान्छेले समातेर आँखा निस्कने गरी कुट्ने रुकेश तुण्डकार पक्राउ परेपछि केही स्थानीयले भने विरोध गरेका छन् ।
आँखा नै फुत्त बाहिर निस्किने गरी निर्ममतापूर्वक कुटिएको गम्भीर घटनाका दोषीलाई छाड्न केहीले प्रहरी कार्यालय गएर दबाब दिइरहेका छन् । कुकुर कुट्ने महर्जनले भने ‘चल्ला खाइदिएकाले बदला लिएको’ बताएका छन् ।
कानुनले कुनै पनि पशु प्राणीलाई निर्दयी व्यवहार गर्न, क्रूरतापूर्वक हत्या गर्न बन्देज गरेको छ । यस्ता कृत्य गर्नेलाई तीन महिनासम्म कैद र पाँच हजार रुपैयाँसम्म जरिवाना हुनसक्ने प्रावधान छ । स्थानीयको दबाबको बाबजुद घटनाको गम्भीरतापूर्वक अनुसन्धान गर्ने र कारबाही अघि बढाउने कीर्तिपुर प्रहरी स्रोतले जनाएको छ ।
घाइते कुकुरको आँखाको प्वालबाट रगत निस्किरहेको छ । टाउको रक्ताम्मे छ । एकदमै नाजुक अवस्थामा रहेको कुकुरलाई स्नेहा केयर्सले उद्धार गरी उपचार गरिरहेको छ ।
केही साताअघि इलामको देउमाई नगरपालिकाका तीन–चारजना युवकले एउटा कुकुरको बच्चालाई कुटेर जिउँदै खाल्डोमा पुरेको भिडिओ सोसल मिडियामा भाइरल भएको थियो । घटनामा तीन जनालाई पक्राउ परेका छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
