Apr 22 2025 | २०८२, वैशाख ९ गते
Apr 22 2025 | २०८२, वैशाख ९ गते
काठमाडौँ । नेपाल समाजवादी पार्टीबाट प्रतिनिधि सभा सदस्य महिन्द्र राय यादव निष्काशित भएका छन् । पार्टीले यादवलगायतहरुलाई पदबाट हटाएको सूचना निर्वाचन आयोगमा अद्यावधिक भएको हो ।
नेपाल समाजवादी पार्टीले आज एक विज्ञप्ति जारी गरी पार्टीको विधान विपरित गतिविधिमा लागेकोले उनीहरूलाई पार्टीबाट हटाउने निर्णय गरेको थियो । विज्ञप्ति अनुसार सांसद यादवसहित प्रदेश सांसद गङ्गानारायण श्रेष्ठ, रमेशप्रसाद यादव लगायतहरुलाई सदस्यबाट हटाइएको हो ।
समाजवादी पार्टीले १२ जेठमा उनीहरूलाई पदबाट हटाउने निर्णय गरेको थियो । निर्णयपछि विवरण अद्यावधिक गर्न निर्वाचन आयोगमा पत्र पठाएको थियो । निर्वाचन आयोगले नेपाल समाजवादी पार्टीको पत्र अनुसार, ३० जेठ, २०८१ मा उनीहरूलाई सदस्यबाट हटाई विवरण अद्यावधिक गरेको हो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
