Apr 04 2025 | २०८१, चैत २२ गते
Apr 04 2025 | २०८१, चैत २२ गते
घटनाबारे छानविन गर्न गृह मन्त्रालयले उपसचिवको नेतृत्वमा तीन सदस्यीय छानविन समिति गठन गरेको प्रवक्ता चक्रबहादुर बुढाले जानकारी दिए ।
काठमाडौं । गृह मन्त्रालयले महोत्तरीको बर्दिबासमा गत सोमबार भएको बालिका हत्या र त्यसपछि उत्पन्न परिस्थितिबारे सत्यतथ्य छानविन गर्न समिति गठन गरेको छ । बर्दिवास नगरपालिका वडा नम्बर १४ की ६ वर्षिया बालिका गुलाबसा खातुनको शव बोरामा फेला परेको थियो।
बलात्कारपछि बालिकाको हत्या गरिएको भन्दै आफन्त र स्थानीय बासिन्दाले प्रदर्शन गर्दा प्रहरीको गोलीले बुद्धिराज न्यौपानेको मृत्यु भएको थियो । उक्त घटनाबारे छानविन गर्न गृह मन्त्रालयले उपसचिवको नेतृत्वमा तीन सदस्यीय छानविन समिति गठन गरेको प्रवक्ता चक्रबहादुर बुढाले जानकारी दिए ।
घटनाका अभियुक्तलाई पक्राउ गरी आवश्यक कारवाही प्रक्रिया अगाडि बढाइएको पनि उनले बताए। न्यौपानेको परिवारलाई उचित राहत उपलब्ध गराउन र प्रदर्शनमा घाइते भएकाहरूको सरकारले उपचार खर्च व्यहोर्ने प्रक्रिया अगाडि बढाइएको उनले जानकारी दिए। बालिका हत्या गर्नेलाई कानुनअनुसार कारवाही गरिने गृहले जनाएको छ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
