Apr 18 2025 | २०८२, वैशाख ५ गते
Apr 18 2025 | २०८२, वैशाख ५ गते
काठमाडौं । प्रतिनिधिसभाको राज्य व्यवस्था तथा सुशासन समितिले उपप्रधान तथा गृहमन्त्री रवि लामिछानेलाई जवाफका लागि बोलाएको छ । मापसेलगायत विभिन्न अभियोगमा कारबाहीमा परेकालाई कानुनविपरीत सडकमा ट्राफिक बनाएर खटाएको विषयमा जवाफ दिन उनलाई बोलाइएको हो ।
गणतन्त्र दिवसको अवसरमा घोषणा गरेर मापसेसहित ट्राफिक नियम उल्लंघनको कारबाहीमा परेकालाई ट्राफिक स्वयंसेवक बनाउने निर्णय कुन कानुनअनुसार गरेको भनेर सोध्न शुक्रबार गृहमन्त्रीलाई बोलाएको समितिले जनाएको छ । उनलाई शुक्रबार समितिमा उपस्थित भएर जवाफ दिन भनिएको छ ।
बिहीबार बसेको समिति बैठकमा समसामयिक विषयमा भएको छलफलमा कुनै पदमा बसेको व्यक्तिको घोषणालाई कानुन मान्न नसकिने निष्कर्षपछि गृहमन्त्रीलाई बोलाएर जवाफ माग्ने निर्णय भएको थियो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
