
Apr 06 2025 | २०८१, चैत २४ गते
काठमाडौं । ललितपुरमा मोटरसाइकल दुर्घटना हुँदा एक जनाको मृत्यु भएको छ । मृत्यु हुनेमा रामेछाप घर भएका २४ वर्षीय विजय घिसिङ रहेको जिल्ला प्रहरी परिसर ललितपुरका एसपी नरेशराज सुवेदीले जानकारी दिए ।
घिसिङले चलाएको बा ७४ प ९२२१ नम्बरको मोटरसाइकल सानेपाको स्टार अस्पताल अगाडि आफै अनियन्त्रित भएर दुर्घटनामा परेको थियो ।
घाइते घिसिङलाई उपचारका लागि स्टार अस्पताल लगिएको थियो । तर, उपचारको क्रममा बिहान साढे ७ बजे मृत्यु भएको एसपी सुवेदीले बताए ।
मोटरसाइकलमा सवार ३७ वर्षीय सञ्जयकुमार घिसिङ घाइते भएका छन् । उनको उपचारको लागि ट्रमा सेन्टरमा उपचार भइरहेको छ ।
घटनाबारे अनुसन्धान भइरहेको प्रहरीले जनाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij