Apr 04 2025 | २०८१, चैत २२ गते
Apr 04 2025 | २०८१, चैत २२ गते
एजेन्सी – फ्रान्सेली क्लब पेरिस सेन्ट जर्मेन (पीएसजी) का ब्राजिलियन स्टार नेयमारले चोटका कारण अर्को महिना हुने विश्वकप छनोटका खेल गुमाउने सम्भावना बढेको छ ।
यूईएफए च्याम्पियन्स लिग अन्तर्गत बुधबार इस्तानबुल बासकसेइरविरुद्ध खेलमा नेयमार घाइते भएपछि मैदान छाडेका थिए । उनको स्थानमा खेलको २८ औं मिनेटमा पाब्लो सराबिया मैदान प्रवेश गरेका थिए । नेयमारको तिघ्राको मांशपेशीमा समस्या आएपछि उनले झन्डै एक महिना विश्राम गर्नुपर्ने भएको हो ।
यसक्रममा पीएसजीले फ्रान्सेली लिगमा नान्टेस र रेन्नेस तथा च्याम्पियन्स लिगमा गत सिजन सनसनी मच्चाएको आरबी लाइप्जिगसँग खेल्दैछ । त्यसपछि नेयमार ब्राजिलको राष्ट्रिय टोलीबाट विश्वकप छनोटको खेलमा सहभागी हुने कार्यक्रम रहेको थियो । तर अब चोटका कारण उनले ब्राजिलका लागि खेल्ने सम्भावना न्यून छ ।
पीएसजीका प्रशिक्षक थोमस टुचेलले नेयमार अन्तर्राष्ट्रिय ब्रेकअघि मैदान फर्कन नसक्ने जानकारी दिएका छन् । ‘हामी दुखि छौं । उनको तिघ्रामा सानो चोट लागेको छ । अब उनी अन्तर्राष्ट्रिय ब्रेकपछि मात्र मैदान फर्कनेछन्,’ ।
‘मलाई लाग्छ उनी अब ब्राजिलको लागि पनि खेल्न सक्दैनन् । अब उनले बाँकी खेलमा खेले भने मात्र चोट लागेको छैन भन्न सकिन्छ, तर उनी घाइते छन् । मैले पाएको सूचना भनेको उनी अन्तर्राष्ट्रिय ब्रेकपछि मात्र फर्कनेछन्,’ उनले भने ।
ब्राजिलले विश्वकप छनोटअन्तर्गत १३ नोभेम्बरमा भेनेजुएला र त्यसको ४ दिनपछि उरुग्वेसँग खेल्दैछ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
