
Apr 06 2025 | २०८१, चैत २४ गते
काठमाडौं । बर्दियाको बढैयाताल गाउँपालिका–२ स्थित सीमा इलाकाबाट सशस्त्र प्रहरीले चरेशसहित ४५ वर्षीया आशा राईलाई पक्राउ गरेको छ ।
उनको साथबाट ६ किलो चरेश बरामद गरिएको सशस्त्र प्रहरी बलका सहप्रवक्ता (डीएसपी) शैलेन्द्र थापाले जानकारी दिनुभयो । दाङको लमही नगरपालिका–१ बस्ने राईलाई चरेश बोकेर भारतर्फ जाँदै गरेको अवस्थामा बीओपी फुटाहाबाट खटिएको सशस्त्रको टोलीले नियन्त्रणमा लिएको हो ।
१२ वटा प्याकेट बनाएर शरीरमा बाँधेको अवस्थामा उनलाई पक्राउ गरेर स्थानीय प्रहरीलाई जिम्मा लगाइएको डीएसपी थापाले जानकारी दिए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij