Apr 08 2025 | २०८१, चैत २६ गते
Apr 08 2025 | २०८१, चैत २६ गते
काठमाडौं । ललितपुरको गोदावरीमा नेपाली कांग्रेसको आगामी गन्तव्य तय गर्न देशभरका नेता तथा कार्यकर्ता भेला भएका छन् । प्रजातन्त्र दिवसको अवसर पारेर कांग्रेस सभापति देउवाले गोदावरीमा महासमिति बैठकको उद्घाटन गरेका छन् ।
कांग्रेस महासमिति बैठक नीतिनिर्माणमा केन्द्रित हुने गर्छ ।
कांग्रेसको विधान अनुसार महासमिति बैठकले समयसापेक्ष नीति तय गर्ने गर्छ । यस बैठकले पनि कांग्रेसको आगामी यात्रा सम्बन्धी नीति तय गर्ने जनाइएको छ ।
महासमिति बैठकमा कांग्रेस उपसभापति पूर्णबहादुर खड्काले नीति प्रस्ताव, महामन्त्री गगनकुमार थापाले सांगठनिक प्रस्ताव, महामन्त्री विश्वप्रकाश शर्माले समसामयिक राजनीतिक प्रस्ताव, प्रवक्ता प्रकाशशरण महतले नेपालको वर्तमान आर्थिक अवस्था, सम्भावना र भावी दिशा सम्बन्धी प्रतिवेदन र लेखा समिति संयोजक श्यामकुमार घिमिरेले लेखापरीक्षण प्रतिवेदन पेश गर्नेछन् ।
फागुन १० गतेसम्म चल्ने बैठकमा सबै प्रतिवेदनमाथि समूहगत छलफल हुनेछ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
