Aug 15 2025 | २०८२, साउन ३० गते
Aug 15 2025 | २०८२, साउन ३० गते
काठमाडौं । गुल्मी छत्रकोट गाउँपालिकाले नयाँ अत्याधुनिक प्रशासकीय भवन बनाउने भएको छ । जग्गा प्राप्तिको कठिन प्रक्रिया पूरा गरी सामुदायिक बनको जग्गामा यस गाउँपालिकाले अत्याधुनिक प्रशासकीय भवन निर्माण गर्न लागेको हो ।
एक औपचारिक कार्यक्रमको आयोजना गरी त्यस गाउँपालिका अध्यक्ष रामप्रसाद पाण्डेयले सो भवनको शिलान्यास गनुभयो ।त्यस अवसरमा उहाँले लामो समयको मेहनतपछि छत्रकोट गाउँपालिकाको अत्याधुनिक प्रशासकीय भवन बनाउन लागेको बताउनुभयो ।
 (1).gif)
नौ करोड ११ लाख दुई हजार ९७९ रुपियाँ ७६ पैसा लागतमा २०८२ मङ्सिर ८ गतेभित्र सम्पन्न गर्ने गरी जिम्मा अम्बे मा बलदेव जेभीले निर्माण गर्ने सम्झौता भएको छ । भवन आवासबाहेक प्रशासनिक कामका लागि ३२ कोठा, बैठक कक्ष, सङ्ग्रहालयसहित ४ तलाको बन्नेछ । भवनमा अशक्त र वृद्ध वृद्धालाई सजिलो होस् भनेर लिफ्टको पनि व्यवस्था गरिएकाे गाउँपालिकाले जनाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
