
Apr 06 2025 | २०८१, चैत २४ गते
काठमाडौं । ललितपुर इमाडोलमा इनारभित्र खसेकी महिलाको सकुशल उद्दार गरिएको छ । दोलखा घर भइ हाल इमाडोल बस्ने २५ वर्षीया न्यूतन प्रधान सोमबार बिहान ९:४५ बजेतिर कपडा सुकाउन इनारमाथि चढेकी थिइन् ।
त्यहीबेला इनारको स्ल्याब फुटेर भित्र खसेकी थिइन् । उनको करिब साढे दुई घण्टापछि उद्दार गरिएको प्रहरी वृत्त सातदोबाटोका प्रमुख डीएसपी उमेश जोशीले जानकारी दिए ।
प्रधानको पाटन अस्पतालमा उपचार भइरहेको र अहिले उनको स्वास्थ्य अवस्था सामान्य रहेको अस्पताल स्रोतले जनाएको छ ।इनारमा खसेको खबर पाउनासाथ ललितपुर महानगरको दमकलसहित प्रहरी टोली घटनास्थल पुगेको थियो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij