Apr 03 2025 | २०८१, चैत २१ गते
Apr 03 2025 | २०८१, चैत २१ गते
काठमाडौं । हत्या, अपहरण र बलात्कारको आरोपमा पक्राउ परेका ‘तपस्वी’ भनिने रामबहादुर बम्जनको निवासबाट ३ करोड रुपैयाँ भन्दा बढी नगद बरामद भएको छ ।
काठमाडौँ बूढानीलकण्ठस्थित बम्जनको घरबाट ३ करोड भन्दा बढी नेपाली रुपैयाँसहित विदेशी मुद्रा बरामद भएको प्रहरीले जनाएको छ ।
केन्द्रीय अनुसन्धान ब्युरो (सीआईबीले) बुढानीलकण्ठस्थित बम्जनको घर खानतलासी गर्ने क्रममा विदेशी मुद्रा सहित ३ करोड ३० लाख रुपैयाँ बरामद भएको पुष्टि गरेको हो । त्यस्तै उनको घरबाट १५ वटा मोबाइल, ल्यापटप र केही पेन ड्राइभ पनि प्रहरीले नियन्त्रणमा लिएको छ ।
४ वर्षको निरन्तर खोजीपछि लिटिल बुद्धका नामले परिचित बम्जन हिजो साँझ पक्राउ परेका थिए । बम्जनलाई आज अदालतबाट म्याद थप गराई थप अनुसन्धान गर्ने प्रहरीले तयारी गरेको छ । उनी विभिन्न जिल्लाका जंगल आश्रम बनाएर बस्दै आएका थिए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
