Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडौं । काठमाडौँको पेप्सीकोलामा रहेको मोबाइल पसलमा चोरी गरेको आरोपमा प्रहरीले एक जनालाई पक्राउ गरेको छ । सप्तरीको कटौना गाउँपालिका–९ घर भई हाल पेप्सीकोला बस्ने ३२ वर्षीय रामानन्द मण्डललाई प्रहरीले पक्राउ गरेको हो।
मण्डलले गत मंसिर १४ गते राति एक्टिभ मोबाइल पसलको छाना फोडेर ५ लाख ५२ हजार ९ सय रुपैयाँ बराबरको विभिन्न कम्पनीका २७ थान मोबाइल सेट र घडीहरू चोरी गरेका थिए । काठमाडौँ उपत्यका अपराध अनुसन्धान कार्यालयका प्रवक्ता प्रहरी उपरीक्षक रवीन्द्र रेग्मीका अनुसार घटनाको अनुसन्धान गर्ने क्रममा मण्डललगायत अन्य मानिसहरूले चोरी गरेको खुल्न आएको थियो ।
कार्यालयबाट खटिएको टोलीले मण्डलाई पुस २२ गते पेप्सीकोलाबाट चोरी गरेका १४ थान मोबाइलसहित पक्राउ गर्न सफल भएको उनको भनाई छ । उनलाई आवश्यक कारबाहीका लागि जिल्ला प्रहरी परिसर टेकु पठाइएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
