Logo

Apr 03 2025 | २०८१, चैत २१ गते

Apr 03 2025 | २०८१, चैत २१ गते

दुई जिल्ला जोड्ने झोलुङ्गे पुल

दुई जिल्ला जोड्ने झोलुङ्गे पुल

  • काठमाडौं । कास्कीको पोखरा महानगरपालिका–३२, को मजुवा र तनहुँको शुक्लागण्डकी नगरपालिका–२, एक्लेखेतलाई जोड्ने मसिना खोलामाथि झोलुङ्गे पुल निर्माण हुने भएको छ । पूर्वाधार विकास कार्यालय, तनहुँको गण्डकी प्रदेशको आयोजनामा ४४ मिटर लम्बाइ, १.६ मिटर चौडाइ भएको झोलुङ्गे पुल १३ लाख १३ हजार ८९८ को लागतमा निर्माण गर्न लागिएको हो । पुल आगामी २०७८ साल असार मसान्तसम्ममा निमार्ण सम्पन्न गर्ने लक्ष्य राखिएको छ ।

    मसिना खोला (कोत्रेखोला)  द्वारको मुखमाथि निर्माणाधीन झोलुङ्गे पुलको आज एक कार्यक्रमका बीच गण्डकी प्रदेशसभा सदस्य आशा कोइरालाले शिलान्यास गरे । सो अवसरमा उनले तनहुको शुक्लागण्डकी र कास्कीको पोखरा महानगरपालिका जोड्ने यस पुलको निर्माण गर्न आफूले विगत १० वर्षयता निरन्तर प्रयास गर्दै आएको बताए । निर्माण कार्यलाई समयमा नै सम्पन्न गर्न सबैको साथ र सहयोग आवश्यक हुने बताउँदै कोइरालाले पुललाई केवल आवतजावत गर्नका लागि मात्र नभई उत्पादित वस्तुको आयातनिर्यातमा उपयोग गर्ने गरी उत्पादनमा लाग्नुपर्नेमा जोड दिए ।

    कार्यक्रममा मसिना खोला झोलुङ्गे पुल निर्माण सहयोग समितिका अध्यक्ष चक्रबहादुर ढकाल, पूर्वाधार विकास कार्यालय तनहुँका प्रमुख ओमराज ढुङ्गानालगायतले निर्माण कार्यलाई गुणस्तरीय बनाउँदै समयमा नै सक्नुपर्नेमा जोड दिए ।

     

    फेसबुक प्रतिक्रिया

    थप समाचार

    पढ्नै पर्ने पत्रिका

    © 2025 All right reserved to onlinepatrika.com | Site By : Sobij

    © 2025 All right reserved to onlinepatrika.com | Site By : Sobij