Apr 29 2025 | २०८२, वैशाख १६ गते
Apr 29 2025 | २०८२, वैशाख १६ गते
काठमाण्डौ । सात वटै प्रदेशका गृहमन्त्रीहरु काठमाण्डौ आएका छन् । प्रहरी समायोजनको माग गर्दै उनीहरुले संयुक्त रुपमा प्रधानमन्त्री र गृहमन्त्रीसँग भेट गर्ने कार्यक्रम रहेको छ । प्रहरी समायोजनमा सङ्घीय सरकारले गरेको ढिलाइले आफूहरुलाई काम गर्न अप्ठेरो परेको उनीहरुको भनाई छ ।
सातै प्रदेशका गृहमन्त्रीले आज प्रधानमन्त्री पुष्पकमल दाहाल ‘प्रचण्ड’ लाई सिंहदरबारमा दिउँसो २ बजे भेटघाट गर्ने कार्यक्रम रहेको छ । साथै, गृहमन्त्रालयका सहसचिव तथा प्रवक्ता नारायणप्रसाद भट्टराईका अनुसार दिउँसो साढे तीन बजे गृहमन्त्री नारायणकाजी श्रेष्ठसँग भेटघाट गर्ने कार्यक्रम रहेको छ ।
लामो समयसम्म पनि प्रदेश प्रहरी गठन हुन नसकेको भन्दै प्रदेश सरकारले असन्तुष्टि जनाउँदै आएका छन् । प्रहरी समायोजन ऐन २०७६ साल माघ २८ गते नै राष्ट्रपतिबाट प्रमाणीकरण भए पनि केन्द्र सरकारले कार्यान्वयनमा आनाकानी गरिरहेको प्रदेश सरकारको गुनासो रहेको छ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
