
Apr 03 2025 | २०८१, चैत २१ गते
काठमाडौँ । भारत र चीनका नागरिकलाई मलेसियाले विना भिसा प्रवेश दिने भएको छ । डिसेम्बर १ बाट लागू हुने यो नियम अनुसार दुवै देशका नागरिक ३० दिनसम्म विना भिसा मलेसियामा बस्न पाउने भएका छन् ।
आइतबार राति पीपुल्स जस्टिस पार्टीको कार्यक्रममा बोल्दै मलेसियाका प्रधानमन्त्री इब्राहिममले यसको घोषणा गरेको समाचार एजेन्सी रोयटर्सले जनाएको छ । उनले कहिलेसम्म यो नियम लागू हुने भन्नेबारे भने केही बताएनन् । सरकारी तथ्यांकअनुसार मलेसियामा यसवर्ष जनवरीदेखि जुनसम्म ९० लाख १६ हजार पर्यटक आएका थिए ।
जसमा चीनका चार लाख र भारतका दुई लाख ८४ हजार पर्यटक छन् । यस्तो घोषणा पर्यटक बढाउन गरिएको बताइएको छ । यसैवर्ष पर्यटक बढाउन थाइल्याण्डले पनि भारत र चीनका नागरिकलाई फ्री भिसा इन्ट्री दिने निर्णय गरेको थियो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij