Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडौं । काठमाडौंको बल्खुमा मेडिकल व्यवसायी दुर्गा प्रसाईंले बिहीबार आयोजना गरेको सभाका क्रममा झडप भएको छ । झडपमा दुईजना घाइते भएका छन् । घाइतेलाई उपचारका लागि बल्खुस्थित बयोधा अस्पतालमा लगिएको छ ।
नेपाल रेडक्रसका स्वास्थ्यकर्मीले टाउकोमा सामान्य चोट लागेपछि उनीहरूलाई अस्पतालमा लगिएको बताएका छन् । कार्यक्रममा सहभागीले तोडफोड गरेका थिए । प्रसाईंका समर्थकले बल्खुमा पार्किङ गरेर राखिएका मोटरसाइकलहरू लडाएका थिए ।
एमालेको युवा संगठन युवा संघका कार्यकर्ताले ढुंगा हानेको उनीहरूको आरोप छ । त्यस्तै आफूहरूको मोटरसाइकल र्यालीमाथि अर्को समूहले ढुंगामुढा गरेको एमाले समर्थकले आरोप लगाएका छन् । आफूहरूमाथि ढुंगामुढा गरिँदा पनि प्रहरी प्रशासन मौन बसेको उनीहरूको भनाइ छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
