Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडौं । जिल्ला प्रशासन कार्यालय काठमाडौंले एमाले नेता महेश बस्नेत र व्यवसायी दुर्गा प्रसाईंलाई एकै ठाउँमा आन्दोलन गर्न नदिने भएको छ । काठमाडौंका सहायक प्रमुख जिल्ला अधिकारी रवीन्द्रप्रसाद आचार्यले दुवैको कार्यक्रम अलगअलग स्थानमा गर्न दिइने बताए ।
‘दुवै पक्षको कार्यक्रम एकै ठाउँमा गर्न दिइँदैन । अलग अलग स्थानमा गर्ने हो,’ उनले भने, ‘संविधान कानुनको दायरामा रहनुपर्छ ।’
निषेधाज्ञा लगाउने तयारी गरेको हो भन्ने प्रश्नमा उनले भने, ‘अहिले नै निषेधाज्ञा लगाउनेबारे निर्णय भएको छैन । दुवै पक्षसँग संवादमा छौँ ।’ भरपर्दो सुरक्षा व्यवस्था मिलाइएको उनले बताए । पछिल्ला दिनमा एमाले नेता बस्नेत र प्रसाईंबीच टकराव बढेको बेला एकै दिन कार्यक्रम गर्न लागेका हुन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
