सुर्खेत । प्रहरी र विद्यार्थीबीचको झडपका कारण मध्यपश्चिमाञ्चल विश्वविद्यालय (एमयू) तनावग्रस्त बनेको छ । विश्वविद्यालयका उपकुलपति र विद्यार्थीहरुबीचको विवाद बढ्दै गएपछि प्रहरीसँग भएको झडपमा तीन विद्यार्थी घाइते भएपछि अवस्था तनावग्रस्त बनेको हो ।
आईतवार साँंझ परीक्षाका विषयमा उपकुलपति नन्दबहादुर सिंह र विद्यार्थीहरुबीचको छलफलका क्रममा विवाद भएको थियो । स्थिति नियन्त्रणमा लिन प्रहरीले बल प्रयोग गर्दा स्ववियु सदस्य तथा नेविसंघका नेता रोशन बस्नेत, विद्यार्थी तर्कराज शाही र लक्ष्मण बोगटी घाइते भएपछि उपकुलपतिविरुद्ध आन्दोलन चर्केको हो । विद्यार्थीहरुले सोमवार बिहानैदेखि केन्द्रीय क्याम्पसको मुलगेट अगाडि विरोध प्रदर्शन गरिरहेका छन् ।
हालसम्म काउन्सिलमा दर्ता नभएको हाइड्रो ईन्जिनियरलाई दर्ता गराउनुपर्ने, मौका परीक्षाको व्यवस्था गर्नुपर्ने लगायतका माग राखेर विद्यार्थीहरुले आन्दोलन गरिरहेका हुन् ।
