काठमाडौँ । बलिउड अभिनेत्री निकिता रावलको घरमा लुटपाट भएको छ । फिल्म ‘गरम मसाला’ मा अभिनय गरिसकेकी यी अभिनेत्रीलाई बन्दुक देखाएर नगद र गहना लुटपाट भएको हो । उनकै घरमा काम गर्दै आएका एक व्यक्तिसमेत सो लुटपाटमा संलग्न रहेको पाइएको छ ।
लुटपाटबारे उजुरी दर्ता भइसकेको र प्रमोद नाम गरेका एक आरोपित र उनका एक साथीलाई नियन्त्रणमा लिइसकेको बांगुर नगर पुलिस स्टेसनका सिनियर इन्सपेक्टरले जानकारी दिएका छन् । अभिनेत्री निकिताकै घरमा प्रमोद काम गर्दै आएका थिए । आफ्नो घरबाट साढे तीन लाख नगद र थुप्रै गहना लुटिएको उनले बताइन् ।