Apr 27 2025 | २०८२, वैशाख १४ गते
Apr 27 2025 | २०८२, वैशाख १४ गते
काठमाडौं । सरकार र आन्दोलनरत शिक्षकबीच पाँच बुँदे सहमति भएको छ । शिक्षा मन्त्रालयमा शुक्रबार भएको वार्तामा सहमति जुटेसँगै शिक्षकहरूले आन्दोलनका सबै कार्यक्रम फिर्ता लिएका छन् ।केहीबेरमा सहमतिका बुँदा सार्वजनिक गरिने बताइएको छ । अब शिक्षकहरुले राखेका मागको विषयमा अध्ययन गरी संसदमा प्रस्तुत गर्ने शिक्षा मन्त्री अशोक कुमार राईले जानकारी दिए ।
शिक्षामन्त्री,शिक्षा राज्यमन्त्री,राहत शिक्षकका प्रतिनिधिलगायत सो वार्तामा सहभागी थिए । संसद्मा दर्ता गरेको विद्यालय शिक्षासम्बन्धी कानुन संशोधन र एकीकरण गर्न बनेको विधेयक २०८० विरुद्ध असन्तुष्टि जनाउँदै असोज ३ गतेदेखि नै देशभरका शिक्षकहरूले आन्दोलन थालेका थिए ।
गत शुक्रबार सरकार र शिक्षक महासंघबीच ६ बुँदे सहमति भएको थियो । तर,माग सम्बोधन नभएको भन्दै नेपाल राहत शिक्षक केन्द्रीय समिति, पेन्सन वञ्चित शिक्षक केन्द्रीय सङ्घर्ष समिति, नेपाल बाल विकास शिक्षक सङ्घर्ष समिति लगायतका विभिन्न ८ वटा संघ संगठनले आन्दोलन कायम राख्दै सडक छाडेका थिएनन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
