
Apr 05 2025 | २०८१, चैत २३ गते
काठमाडौँ । राष्ट्रिय स्वतन्त्र पार्टीकी प्रतिनिधिसभा सदस्य डा तोसिमा कार्कीले डाक्टरहरु कुटिएको विषयमा शिक्षा तथा स्वास्थ्य समितिको बैठक बोलाउन माग गरेकी छन् । सांसद कार्कीले मंगलबार समितिलाई पत्र लेख्दै विशेष ध्यानाकर्षणसहित आकस्मिक बैठकको माग गरेकी हुन् ।
हेटौडा अस्पताल, लमजुङ अस्पताल, कोशी अस्पताल, मणिपाल मेडिकल कलेज, पाटन स्वास्थ्य विज्ञान प्रतिष्ठान कन्चनरपुरको प्राथमिक स्वास्थ्य केन्द्र, चितवन नादिको बगौडा अस्पताल लगायत थुप्रै स्वास्थ्य संस्थाहरूमा हुलहुज्जत र हातपातको घटना भएको उनले बताएकी छन् ।
सांघातिक आक्रमण र भिडतन्तले स्वास्थ्य कर्मी मात्र नभई उपचाररत बिरामीहरूको उपचारमा समेत क्षति पुगेको उनले बताएकी छन् । उनले सोही विषयमा छलफल गर्न तथा सरकारको ध्यानाकर्षण गर्न भन्दै समितिको बैठक बोलाउन माग गरेकी हुन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij