Apr 05 2025 | २०८१, चैत २३ गते
Apr 05 2025 | २०८१, चैत २३ गते
काठमाडौं । सुदूरपश्चिमको कञ्चनपुरमा एक स्वास्थ्यकर्मीमाथि आक्रमण भएको छ । बिरामीको आफन्त भन्दै एक व्यक्तिले ड्यूटीमा रहेका स्वास्थ्यकर्मीमाथि आक्रमण गरेका हुन् ।
कञ्चनपुरको बेलौरी नगरपालिकामा रहेको श्रीपुर प्राथमिक स्वास्थ्य केन्द्रमा घाइतेको उपचारमा खटिएका अहेब नरेन्द्र प्रसाद गैरेमाथि हातपात भएको हो । सोमबार राती ११:१५ बजेको समयमा टाउको र आँखामा चोट लागेर घाइते भएका बेलौरी ५ मैनाहाका बाबुराम चौधरीको उपचार गरिरहेका गैरेमाथि बेलौरीकै गोकुलपुर बजार बस्ने रामु भनिने राम बहादुर खड्काले आक्रमण गरेका हुन् ।
सिसिटिभी फुटेज अनुसार खड्काले प्रहरीकै अगाडि स्वास्थ्यकर्मी गैरेमाथि आक्रमण र गालीगलौज गरेको देखिन्छ । आक्रमणकारी खड्काले उपचारका क्रममा ढिलाई गर्नुका साथै टाँका लगाउन धागो छैन भनेपछि विवाद भएको स्विकार गरे । उनले आक्रमण नभइ आफूले धक्का मात्र दिएको प्रतिक्रिया दिएका छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
