
Apr 09 2025 | २०८१, चैत २७ गते
काठमाडौं । सुन तस्करी प्रकरणमा थप चारजना चिनियाँ नागरिक पक्राउ छन् । केन्द्रीय अनुसन्धान ब्यूरो (सीआईबी) को टोलीले ती चिनियाँ नागरिकलाई काठमाडौंबाट पक्राउ गरेको नेपाल प्रहरीका केन्द्रीय प्रवक्ता डीआईजी कुवेर कडायतले जनाएका छन् ।
प्रहरीले पक्राउ परेका ती चारैजना चिनियाँको नाम खुलाइसकेको छैन । उनीहरुलाई म्याद थपका लागि काठमाडौं जिल्ला अदातलमा उपस्थित गराइएको छ ।
उनीहरुलाई ५ दिन हिरासतमा राख्न अदालतमा अनुमति मागिएको छ । यसअघि पक्राउ गरेका १७ जनालाई पनि त्यति नै समय हिरासतमा राख्न अदालतले अनुमति दिएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij