Apr 18 2025 | २०८२, वैशाख ५ गते
Apr 18 2025 | २०८२, वैशाख ५ गते
काठमाडौँ । अन्तर्राष्ट्रिय त्रिभुवन विमानस्थलबाट जाँचपास भएर बाहिरिएपछि सिनामंगलबाट बरामद गरिएको सुन आज पगालिएको छ ।नेपाल राष्ट्र बैंकको टक्सार महाशाखा बबरमहलमा सरोकारवाला निकाय र सुरक्षा निकायका प्रतिनिधिको रोहबरमा सुन गालिएको हो ।
महाशाखाका प्रमुख थानेश्वर आचार्यले गालिएपछिको सुनको तौल २ घण्टापछि सार्वजनिक गरिने जानकारी दिए । आज बिहान साढे १० बजेबाट सुन गाल्न सुरू गरिएको थियो । हिजो ब्रेक सुबाट सुन छुट्याउने काम भएको थियो । छुट्याइएको सुन ६० किलो ७८९ ग्राम तौल रहेको छ । गालेपछि सुनको मात्रा अझै घट्नसक्ने अनुमान छ ।
आचार्यका अनुसार सुनको यकिन तौल आएपछि त्यसको गुणस्तर र आर्थिक परीक्षणको काम थालिने छ । राजस्व अनुसन्धान विभागले भन्सार जाँचपास भएर सिनामंगलको रोडमा पुगिसकेको सुन बरामद गरेको थियो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
