Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडौँ । पोखरा महानगरपालिकाले अनाधिकृत रुपमा निर्माण भएका भौतिक संरचना हटाउन निर्देशन दिएको छ । सार्वजनिक जग्गामा निर्माण गरिएका भौतिक संरचना आगामी ३५ दिनभित्र हटाउन महानगरको १ नम्बर वडा कार्यालयले भनेको हो ।
वडाध्यक्ष साहारा प्रधानका अनुसार सार्वजनिक जग्गा कब्जा गरी संरचना निर्माण गरेको पाइएपछि सो हटाउन लागिएको हो । वडाभित्रका सार्वजनिक जग्गामा घर, टहरा बनाइएको छ भने इजाजत नलिईकन विज्ञापन कम्पनीहरुले ठूल्ठूला होर्डिङ्ग बोर्ड राखेको उनले जनाएका छन् ।
साथै उनले फुटपाथमा पसल सञ्चालन गरेर बसेकालाई पनि आफ्नो पेशा–व्यवसाय हटाउन आग्रह गरेकी छिन् । जथाभावी पसल राख्दा पैदलयात्रीलाई सास्ती भएको उनको भनाइ छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
