Apr 07 2025 | २०८१, चैत २५ गते
Apr 07 2025 | २०८१, चैत २५ गते
काठमाडौं । ट्रायल पास गराइ लाइसेन्स बनाइ दिने भन्दै लाखौं रकम ठगी गर्ने दुईजनालाई प्रहरीले पक्राउ गरेको छ । पक्राउ पर्नेमा ललितपुर महालक्ष्मी- १३ एकान्तकुनाका ३० वर्षीय सम्राट समिर रागब भन्ने राजु परियार र काठमाडौं-१४ कलंकी सुनारगाउँ बस्ने ३६ वर्षीय ब्रम्ह रिसाल रहेका छन् ।
आफूहरू यातायात व्यवस्था कार्यालय एकान्तकुनाको कर्मचारी रहेको बताइ लाइसेन्स र ट्रायल पास गराइदिने, पीडितहरूबाट नगद तथा सुनको गहना जबरजस्ती गरी चार लाख तीस हजार बराबरको रकम ठगी गरेको आरोपमा उनीहरू पक्राउ परेका हुन् ।
परियार लुभुबाट र ठगी गरी लिएको सुन खरिद गर्ने कृष्ण ज्वेलर्स एन्ड सन्सका सञ्चालक रिसाल कालीमाटीबाट पक्राउ परेको उपत्यका अपराध अनुसन्धान कार्यालयका प्रहरी उपरीक्षक रविन्द्र रेग्मीले जानकारी दिए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
