Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडौं । बाजुराको खप्तड छेडेदह गाउँपालिकामा खोलाले बगाउँदा एक महिलाको मृत्यु भएको छ । मृत्यु हुनेमा खप्तड छेडेदह गाउँपालिका – ४ गवानीकी अन्दाजी २३ वर्षीया संगिता साउद रहनुभएको छ ।
आइतबार खप्तड छेडेदह गाउँपालिका –३ र ४ मा रहेको झिगिने बार्जुगाड तर्ने बेलामा खोलाले बगाउँदा साउदको मृत्यु भएको हो । आमा छोरी नदी पार गर्नेक्रममा ९ बर्षीया छोरी बग्न थालेपछि छोरीलाई बचाउने क्रममा संगितालाई खोलाले बगाएको जिल्ला प्रहरी कार्यालय बाजुराले जनाएकोे छ । छोरी सकुशल रहनुभएको प्रहरीको भनाइ छ ।
प्रहरीले सो खोलामा खोजतलास गर्ने क्रममा बगेको स्थानबाट झण्डै १५ देखि २० मिटर तल साउद मृत अवस्थामा फेला परेको जिल्ला प्रहरी कार्यालय बाजुराका सूचना अधिकारी किशोरसिंह ऐरीले बताउनुभयो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
