Apr 27 2025 | २०८२, वैशाख १४ गते
Apr 27 2025 | २०८२, वैशाख १४ गते
काठमाडौँ । त्रिभुवन विश्वविद्यालयका उपप्राध्यापक प्रेम चलाउनेमाथि कुटपिट गर्ने व्यक्तिहरूविरूद्धको मुद्दा फिर्ता गरेपछि काठमाडौंमा प्रदर्शन भएको छ । उपप्राध्यापक प्रेम चलाउनेलाई न्याय माग्दै बृहत नागरिक आन्दोलनले मंगलबार काठमाडौं जिल्ला अदालत अगाडि प्रदर्शन गरेका हो ।
गत जेठ ३० गते मन्त्रिपरिषदको बैठकले नेविसंघका त्रिवि समिति अध्यक्ष हरि आचार्य, सचिव योगेन्द्र रावल लगायत सात जनाविरूद्धको ज्यान मार्ने उद्योग कसुरको मुद्दा फिर्ता लिएको थियो ।
उपप्राध्यापक चलाउनेले उक्त निर्णयविरूद्ध त्रिवि विश्वविद्यालय परिसरमा सोमबार साँझदेखि अनसन पनि सुरू गरिसकेका छन् । उनले सुरू गरेको आन्दोलनमा बृहत नागरिक आन्दोलनले पनि ऐक्यबद्धता जनाएको हो ।प्रदर्शनकारीहरुले प्रेम चलाउनेलाई न्याय माग गरेका छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
