Apr 06 2025 | २०८१, चैत २४ गते
Apr 06 2025 | २०८१, चैत २४ गते
टाइटानिक जहाजको भग्नावशेष हेर्ने पर्यटक बोकेको पनडुब्बी जहाज बेपत्ता भएको छ । बीबीसीले एट्लान्टिक महासागरमा पर्यटकलाई टाइटानिकको भग्नावशेष देखाउन प्रयोग गरिँदै आएको पनडुब्बी हराएको जनाएको छ ।
हराइरहेको पनडुब्बीमा कति यात्रु थिए भन्ने खुलेको छैन । क्यानडाको तटबाट चार सय नटिकल माइल टाढा एट्लान्टिक महासागरको तीन हजार आठ सय मिटर तल टाइटानिकको भग्नावशेष छ ।
सन् १९१२ को अप्रिलमा टाइटानिक जहाज आफ्नो पहिलो यात्रामै आइसबर्गमा ठोक्किएपछि डुबेको थियो । जहाजमा रहेका २२ सय जनामध्ये छ सय सात जनामात्रै बाँचेका थिए । सन् १९८५ मा समुद्रमा डुबेको जहाजको भग्नावशेष पत्ता लागेको थियो ।
ओशनगेट कम्पनीले केही वर्षदेखि टाइटनिक जहाजको भग्नावशेष देखाउन पनडुब्बीमार्फत पर्यटक लैजाने गरेकाे छ । कम्पनीले आठ दिनकाे प्याकेजका लागि प्रतिव्यक्ति साढे १ लाख डलर दिने गरेकाे छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
