Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडौँ । भारतीय फिल्म 'आदिपुरुष' विवादित बनेपछि दोस्रो दिन नै कमाइमा ठूलो गिरावट आएको छ । पहिलो दिन विश्वव्यापी रुपमा कमाइ १४० करोड रुपैयाँ कमाएको फिल्मले दोस्रो दिन १०० करोड मात्रै कमाएको छ ।
भारतीय सञ्चारमाध्यमका अनुसार दोस्रो दिन पनि अग्रिम बुकिङका कारण धेरै कलेक्सन भइरहेको छ । उक्त फिल्मले अग्रिम बुकिङका कारण पहिलो दिन विभिन्न रेकर्ड बनाएको थियो । नेपालका साथै भारतमा समेत संवादका कारण उक्त फिल्ममाथि विवाद भइरहेको छ । उक्त फिल्मको विरोधले कलेक्सनमा असर परेपछि निर्माता तथा लेखकले माफी मागेका छन् ।
केही संवाद सच्याउने प्रतिबद्धता जनाएका छन् । सोमबारदेखि काठमाडौंमा उक्त फिल्मका साथै भारतीय फिल्म चल्न नदिने मेयर बालेन शाहको घोषणा छ । निर्माताले उनीसँग पत्र लेखेर माफी मागेका छन् । सीता भारतकी छोरी भएको देखाउने आफ्नो नियत नरहेको उल्लेख गर्दै कलात्मक दृष्टिबाट हेरिदिन अनुरोध गरेका छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
