
Apr 05 2025 | २०८१, चैत २३ गते
काठमाडौँ । आफ्नो नयाँ संसद् भवनमा ‘अखण्ड भारत’को भन्दै भारतले नेपाली भू–भागसमेत समेटिएको नक्सा राखेको विरोधमा काठमाडौंस्थित भारतीय दूताबास अगाडि प्रदर्शन भएको छ । भारतीय दूताबास अगाडि राष्ट्रिय प्रजातन्त्र पार्टी (राप्रपा) निकट युवा विद्यार्थीहरुले विरोध प्रदर्शन गरेका हुन् ।
शुक्रबार राप्रपानिकट युवा, विद्यार्थीहरुले ‘भारतीय विस्तारवाद मुर्दावाद’, ‘निरिह सरकार मुर्दावाद’, ‘राजसंस्था जिन्दावाद’, ‘हिन्दूराष्ट्र जिन्दावाद’ लगायतका नारा लगाएका छन् ।
त्यस्तै ‘हाम्रो जमिन फिर्ता गर’, ‘सीमा मिच्न पाइँदैन’, ‘लुम्बिनी कपिलवस्तु हाम्रो हो’ भन्दै उनीहरुले कालो झण्डा समेत प्रदर्शन गरेका छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij