Apr 05 2025 | २०८१, चैत २३ गते
Apr 05 2025 | २०८१, चैत २३ गते
काठमाडौं । प्रधानमन्त्री पुष्पकमल दाहाल ‘प्रचण्ड’ले ऊर्जा क्षेत्र मुलुकको समृद्धिको बलियो आधार भएकाले यसमा थप लगानी जुटाउनुपर्नेमा जोड दिएका छन् ।
मंगलबारदेखि काठमाडौंमा सुरु ‘पावर समिट २०२३’ को उद्घाटन गर्दै प्रधानमन्त्रीले नीतिगत एवम् व्यावहारिक रूपमा नै सरकारले ऊर्जा क्षेत्रलाई समृद्धिको बलियो आधारका रूपमा मान्यता दिएको बताए ।
उनले मुलुकलाई आर्थिक रूपमा सबल बनाउँदै अर्थतन्त्रमा गुणात्मक परिवर्तन गर्न पनि हरित ऊर्जा अत्यावश्यक रहेको धारणा राखे । सुक्खा मौसममा पनि बिजुलीको आयात गर्नु नपर्ने गरी निजी क्षेत्रसँगको सहकार्यमा जलविद्युत् आयोजनालाई अघि बढाउन सरकार तयार रहेको उनले बताए ।
‘हरित ऊर्जाको बजार विस्तारीकरण’ भन्ने नाराका साथ सुरु पावर समिट बुधबारसम्म चल्नेछ । सम्मेलनमा भारत, बंगलादेश, भुटान, श्रीलंकालगायत ३० भन्दा बढी देशका ३०० बढी स्वदेशी तथा विदेशी प्रतिनिधि सहभागी छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
