
Apr 08 2025 | २०८१, चैत २६ गते
काठमाडौँ । कञ्चनपुरमा लागूऔषध खैरो हेरोइनसहित तीन जना पक्राउ परेका छन् । जिल्ला प्रहरी कार्यालय कञ्चनपुरका डीएसपी प्रकाश डांगीका अनुसार शुक्लाफाँटा नगरपालिका १० का टेक गौतम र कृष्ण राना साथै बेलौरी नगरपालिका ९ का प्रदिप चौधरी पक्राउ परेका हुन् ।
इलाका प्रहरी कार्यालय झलारी र अस्थायी प्रहरी पोष्ट बन्साहको संयुक्त गस्ती टोलीले कञ्चनपुरको शुक्लाफाँटा नगरपालिका १२ बाट उनीहरुलाई पक्राउ गरेको हो । उनीहरुको साथबाट ३ दशमलव ११ ग्राम खैरो हेरोइन र एउटा मोटरसाइकल बरामद गरिएको डीएसपी डांगीले जनाएका छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij