Apr 11 2025 | २०८१, चैत २९ गते
Apr 11 2025 | २०८१, चैत २९ गते
काठमाडौं । काठमाडौं उपत्यकामा फागु पर्व सुरु भएको छ । वसन्तपुरमा रंगचंगी ध्वजाले सजाइएको चीर सोमबार ठड्याइएपछि फागु पर्व सुरु भएको हो । फागुन शुक्ल अष्टमीका दिन चीर उठाएपछि देशभर फागू पर्व सुरु भएको मानिन्छ ।
वसन्तपुरस्थित हनुमानढोका दरबारको गद्दी बैठकको दक्षिणतर्फ सोमबार ३ तले चीर ठड्याएपछि देशभर फागु अर्थात होली पर्व सुरु भएको मान्ने गरिन्छ ।
सोमबार बिहान ७ बजेर ४५ बजेको साइतमा मानन्धर समुदायले रंगीचंगी ध्वजासहितको ३ तले चीर ठड्याएका हुन् । सोही अवसरमा उनीहरूले एक-अर्कालाई अबिर दलेर होली पर्व सुरु भएको जनाउ दिएका हुन् ।
सोमबार पशुपति, हनुमानढोका दरबारको सुन्दरीचोक र ललितपुरको पाटन दरबार क्षेत्रको कृष्णमन्दिर प्राङ्गणमा पनि रंगीचंगी कपडा झुन्ड्याएर होली सुरु भएको जनाउ दिने गरिन्छ ।
यस वर्षको होली पर्वको मुख्य दिन फागुन २२ र २३ गते परेको छ । २२ गते हिमाली तथा पहाडी जिल्लामा र २३ गते तराईका जिल्लाहरुमा होलीको सार्वजनिक बिदा दिइएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
