
Apr 06 2025 | २०८१, चैत २४ गते
काठमाडौं । मोरङको विराटनगर महानगरपालिका–४ मा दुई मोटरसाइकल आपसमा ठोक्किँदा एकजनाको मृत्यु भएको छ । दुईजना घाइते छन् ।
गए राति लु१८प ५४५६ र प्रदेश १–०२–०४२ प ६०४९ नम्बरको मोटरसाइकल आपसमा ठोक्किएका थिए । दुर्घटनामा दुवै मोटरसाइकलमा सवार तीनजना घाइते भएका थिए । विराटनगरस्थित नोबेल अस्पतालमा घाइते भएका तीनै जनालाई उपचारका लागि पठाइएको थियो ।
उपचारका क्रममा २६ वर्षीय प्रकाश महतको मृत्यु भएको जनाइएको छ । दुर्घटनामा संलग्न अर्का मोटरसाइकल चालक फरार रहेकाले खोजी भइरहेको प्रहरीले जनाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij